Avioni në fjalë quhet Overture dhe është vepër e Boom Supersonic, një kompani amerikane e avionëve
Boom Overture premton të jetë avioni më i shpejtë i pasagjerëve në botë, duke arritur shpejtësi mbi 2000 kilometra në orë, dyfishi i shpejtësisë së avionit aktual.
Pothuajse 20 vjet pas fluturimit të fundit të Concorde, avionë të tillë po kthehen. Gjigandi amerikan American Airlines ka porositur 20 avionë të rinj supersonikë pasagjerësh që mund të jenë në shërbim në vitin 2029. Duke pasur parasysh këtë shpejtësi, Overture do të jetë në gjendje të arrijë nga Londra në Nju Jork (një fluturim shtatë orësh) në vetëm tre orë e gjysmë dhe nga Los Angeles në Sydney (një udhëtim tipik 15 orësh) në vetëm gjashtë orë e 45. minuta. Çdo avion Overture mund të transportojë nga 65 deri në 80 pasagjerë.
