Xavi rrezikon të shkarkohet para fundit të sezonit, kur e ka njoftuar vetë lamtumirën, nëse nuk mund Napolin në Champions League. Trajneri i Barcelonës është në rrezik të madh pas një periudhe të tmerrshme, në të cilën skuadra katalanase humbi Superkupën e Spanjës, u eliminua nga Kupa e Mbretit dhe vazhdon të zhgënjejë në La Liga.
Sipas asaj që theksohet nga mediat spanjolle, në fakt, nëse Xavi eliminohet në 1/8 finale të Ligës së Kampionëve, aventura e tij te Barcelona do të përfundojë menjëherë. Në fund të fundit, distanca nga rivali i përjetshëm Real Madrid në La Liga tani duket e parikuperueshme, si për shkak të rezultateve të dobëta të Blaugranëve, ashtu edhe për ecurinë e pandalshme të skuadrës së Ancelottit. I vetmi synim madhor i sezonit mbetet Liga e Kampionëve.
Edhe pse janë të paktë ata që besojnë se Barcelona është e aftë për të arritur deri në fund, Xavi mund ta shpëtojë stolin e tij nëse kualifikohet në çerekfinale. Kjo të paktën deri në fund të sezonit, kur të ndahen rrugët.
Nëse Xavi nuk ia del ndaj Napolit është gati trajneri i emergjencës. Rafa Marquez, ish-lojtari Blaugrana, aktualisht është trajner i ekipit të dytë të Barcelonës dhe do të promovohej deri në fund të sezonit, në pritje për të kuptuar se cili do të jetë trajneri i ri i katalanasve nga sezoni 2024-2025.
- Advertisement -
Aktualisht janë pesë skuadra spanjolle që luftojnë për katër vendet e para të La Liga-s (zonën Champions). Krahas Real Madridit në “arrati”, Girona duket se mund të arrijë për herë të parë në Ligën e Kampionëve, falë një sezoni të jashtëzakonshëm, edhe pasi u tejkalua nga “Los Blancos” në renditje.
Menjëherë pas është Barcelona, e cila megjithatë ka një ndeshje më shumë se Bilbao, i pesti në renditje dhe aktualisht -6 pikë. Në mes është Atletico Madrid, i cili në 5 ndeshjet e fundit ka marrë të njëjtat pikë me Blaugranët (10).
Ngritjet dhe uljet e Barcelonës, të kombinuara me një lojë që pothuajse kurrë nuk i sheh Blaugranët të dominojnë, e rrezikojnë kualifikimin për në Ligën e Kampionëve, sezoni i ardhshëm. Xavi mund të largohet nga Barcelona pas 12 marsit, ose pas ndeshjes së dytë të 1/8 finale të Ligës së Kampionëve kundër Napolit.
Në atë pikë, nëse eliminohet, skuadra Blaugrana do të kishte në stol të lartpërmendurin Rafa Marquez për ndeshjen e radhës në La Liga kundër Atletico Madridit. Në mars, përveç disa ndeshjeve të La Liga-s në të cilat është favorite në letër, Barcelona do të përballet edhe me Athletic Bilbao për të marrë tri pikë themelore në garën për Champions League.
