Skandali Kyle Walker pushton faqet e gazetave sportive angleze. Deklaratat e modeles Lauryn Goodman për “The Sun” kanë ndezur një stuhi të vërtetë rreth mbrojtësit të kombëtares angleze dhe Manchester City.
Ky i fundit akuzohet se ka jetuar prej vitesh mes bashkëshortes së tij Annie Kilner, nënë e tre fëmijëve të tij dhe në pritje të të katërtit (ajo është aktualisht në muajin e gjashtë të shtatzënisë), nga e cila u nda së fundi, dhe një gruaje tjetër, me të cilën ka ndërtuar dhe mbajtur për një kohë të gjatë atë që është një familje e dytë e vërtetë.
Vetë Goodman zbuloi gjithçka: “I thashë Kyle se duhej t’i tregonte gjithçka Annie. Se ai është babai i vajzës sonë, sepse ne duhet të fillonim të jetonim lirisht më 2024. Nëse të gjithë e dinë se si është situata, atëherë do të mundemi të marrim vendime si të rritur.
Nuk doja t’i shkaktoja më shumë dëm Annie, ose të bëhesha kurvë, por duhej t’ia bëja të ditur, sepse Kyle ishte shumë i dobët për t’ia thënë asaj. Annie duhej të dinte të gjithë të vërtetën përpara se historia të bëhej e ditur publikisht”.
- Advertisement -
Kështu, ndërsa Walker ishte larg, në Everton, në “Boxing Day”, Lauryn dyshohet se telefonoi gruan e lojtarit anglez. “Ajo vazhdoi të kërkonte prova, kështu që unë i tregova testin e ADN-së. Nuk doja që ata të ndaheshin apo të vuanin, por ishte një situatë që duhej të dilte në dritë. Për hir të të gjithëve, – shtoi modelja, e cila gjithashtu zbuloi: – Nuk ishte sekret për shokët e tij në Angli. Ata dilnin në telefon, në sfond, kur më thirrte në FaceTime”.
