“Gazzetta dello Sport” ka gjurmuar në fëmijërinë e Kylian Mbappe, në prag të ndeshjes së Champions League, PSG-Milan, e cila do të luhet nesër në mbrëmje në “Parce des Princes”. Për të zbuluar disa sekrete, mes të cilave të qenurit fans i kuqezinive, prestigjiozja sportive italiane ka folur me mamanë dhe njëkohësisht agjenten e yllit francez të futbollit.
Fayza Lamari tha shkoqur: “Po, djali im mbështeti kuqezinjtë, ishte tifoz me Milanin në fëmijëri”. PSG është shtëpia e tij, por gjithmonë ka shumë gjëra kuqezi në zemrën e Kylian Mbappé. Faj apo meritë e Riccardis, familjes italiane ku kampioni parizien kaloi shumë pasdite të fëmijërisë së tij.
Si fëmijë, Kylian bëri premtimin që, nëse një ditë luan në Serie A, do ta bënte vetëm me fanellën e Milanit. Atë që Kylian e kishte blerë çdo vit si fëmijë, e vishte në stërvitje ose flinte me të. Siç kujtohet edhe nga nëna Fayza gjatë një kafeje me Nicola dhe Beatrice Riccardi, në shtëpinë e tyre në Bondy.
Dhe me Antonion, një nga dy djemtë e saj, i cili tregon: “Kylian më tha se Milani është pjesë e planeve të tij, por në fund të karrierës. Fatkeqësisht ai po bënte shaka”. Një shaka, me një themel poetik të së vërtetës. Ndërkohë, nesër në “Parc des Princes” është ndeshja e Champions League, me Mbappe kundërshtar i “Djallit”.
- Advertisement -
Nëna e yllit të PSG, Fayza Lamari, shpjegon për “Gazzetta dello Sport”: “Kylian dëshironte të linte përshtypje të mira, përndryshe tallej nga miqtë tanë. Ai ishte djali i prindërve sportistë, ndaj konsiderohej në qendër të vëmendjes. Kur vinte në shtëpi fliste vetëm për Milanin. I pëlqenin shumë makaronat me gjalpë.
Nëse Milani humbiste, ai mund ta përplaste telekomandën e televizorit dhe të thoshte disa sharje në italisht. Megjithatë, në ‘Play Station’ zgjidhte gjithmonë Real Madridin. Fanellën e Robinhos me kuqezinjtë e vishte për stërvitje, madje e mbante edhe në shtrat.
Ka pasur në fëmijëri fanella të Manchester United, Francës, PSG, Real Madridit. Ai i donte sulmuesit e mëdhenj, por mund të vishte edhe fanellën e Frei nga Rennes. Nëse do na kishin thënë 15 vite më parë, nuk do ta kishim besuar kurrë se ai do të ishte protagonist i PSG-Milan”.
