Trajneri i Anglisë, Thomas Tuchel, ka lënë jashtë tri emra nga lista e lojtarëve të grumbulluar për ndeshjen kualifikuese të Kupës së Botës ndaj Shqipërisë, që do të luhet të premten në “Wembley”.
Mesfushori i Nottingham Forest, Morgan Gibbs-White, nuk ishte pjesë e listës fillestare të Tuchel, por u thirr më vonë pas tërheqjes së Cole Palmer nga Chelsea.
Sipas rregullave të UEFA-s, trajnerët mund të grumbullojnë vetëm 23 lojtarë për ndeshjet zyrtare. Pavarësisht se Tuchel kishte thirrur 26 lojtarë për ndeshjet ndaj Shqipërisë dhe Letonisë, ai ishte i detyruar të linte jashtë tre lojtarë për secilën ndeshje.
Për sfidën e tij të parë si trajner i Anglisë, Tuchel ka vendosur të mos përfshijë Gibbs-White, mbrojtësin e Liverpool, Jarrell Quansah, dhe portierin e Southampton, Aaron Ramsdale.
- Advertisement -
Kapiten i skuadrës do të jetë Harry Kane, ndërsa Jude Bellingham dhe Declan Rice priten të formojnë mesfushën. Në sulm, Phil Foden, Morgan Rogers dhe Anthony Gordon janë në garë për të luajtur përkrah Kane.
