Nëse tre të dhëna përbëjnë një fakt, për Simone Inzaghi-n tre ndeshjet e radhës janë përcaktuese për të ardhmen e tij në krye të Interit. Pas humbjes së rëndë kundër Fiorentinës, Inter udhëton të martën në “Stadium” për ndeshjen e parë kundër Juves, e vlefshme për gjysmëfinalen e Kupës së Italisë. Pas Juves, zikaltërit luajnë kundër Salernitanas në Serie A dhe më pas kundër Benfikës në Champions.
Zikaltërit duhet të blindojnë prezencën e tyre në Champions, kurrë më parë këtë sezon, ky objektiv fiks nuk ka qenë kaq në rrezik. Sipas mediave italiane, këto tre sfida pritet të vendosin edhe të ardhmen e Inzaghi-t në krye të Interit. Presioni rreth trajnerit sa vjen e shtohet, pavarësisht se publikisht drejtuesit e klubit nuk i kanë dalë kundër, nuk kanë reaguar.
Fakt është që stoli i Inzaghi-t ka nisur të dridhet fuqishëm ndërsa si hije mbi të qëndron Antonio Conte. I papunë që pas largimit nga Tottenham, Conte mbetet një pistë konkrete, një emër që Marotta dhe presidenti Zhang do e rikthimin me kënaqësi në Milano. Jo vetëm Conte, në Angli shkruajnë se drejtuesit e Interit kanë zhvilluar dhe një takim sekret me Pochettino-n, ndërsa një opsion është edhe Thiago Motta.
