Trajneri i Holandës, Ronald Koeman, është shprehur i lumtur me fitoren ndaj Greqisë, edhe pse sipas tij, “Tulipanët” kanë mundur më herët ta vendosin epilogun e ndeshjes.
Holanda mbrëmë mundi Greqinë (0-1), falë golit Van Dijk nga penalltia në lojën shtesë.
Strategu holandez pas ndeshjes tha se skuadra e tij, bazuar në rrjedhën e lojës është dashur më herët të vendos ndeshjen. Ai beson se Holanda do të jetë në EURO 2024.
“Duhet ta kishim vendosur ndeshjen shumë më herët në bazë të asaj që treguam në fushë. Në fund ata futën tre sulmues në fushë, mirëpo, ata nuk i mbajtën mirë pozicionet e tyre”, ka thënë Koeman.
- Advertisement -
“Duam të përfundojmë kualifikueset më formën e mirë dhe duam ta ‘pushtojmë’ Evropianin”, ka theksuar tekniku holandez.
Pas fitores ndaj Greqisë, Holanda ka 12 pikë aq sa ka edhe skuadra grekë dhe skuadra e cila do të kualifikohet në EURO 2024, do të përcaktohet në ndeshjet e xhiros së fundit që luhen në muajin tetor.
