Trajneri i Manchester United, Ten Hag pas përfundimit të edicionit në Ligën Premiere iu drejtua turmës së tifozëve në “Old Trafford”, duke premtuar se ata do të bëjnë gjithçka që munden për të mposhtur rivalët e qytetit, Manchester City në finalen e Kupës FA dhe kështu t`i ndalin ata në rrugën drejt kurorës së trefishtë, që do të ishte një përsëritje e suksesit të “Djajve të Kuq” nga viti 1999.
“Dua t’ju falënderoj për mbështetjen tuaj, për brohoritjen, për energjinë tuaj, ishte e mrekullueshme. Por kur them mbështetjen, kemi një ndeshje më shumë dhe jam i sigurt se këta lojtarë do të japin gjithçka që munden për të mposhtur Manchester Cityn javën e ardhshme. Ne po llogarisim tek ju. Me ju pas nesh, ne kemi një mundësi të madhe për ta rikthyer kupën në ‘Old Trafford’”, u ka thënë Ten Hag tifozëve.
Finalja e FA Cup do të zhvillohet më 3 qershor në “Wembley”.
