Trajneri i Shqipërisë, Sylvinho ka thënë se të gjitha skuadrat e grupit janë favoritë.
Të shtunën në Hamburg të Gjermanisë është zhvilluar ceremonia e tërheqjes së shortit për Euro 2024, ku në gjashtë grupe janë ndarë njëzet e katër skuadra. Shqipëria do të luajë kundër kombëtareve të madhe si ajo e Spanjës dhe ajo e Italisë, ndërsa në të njëjtin grup është edhe Kroacia.
“Të gjithë njerëzit duhet të kujtojnë çdo ndeshje që kemi fituar e barazuar për të ardhur këtu. Kundërshtarët janë mësuar të luajnë në finalet e Europianit dhe të Botërorit”, ka thënë braziliani. “Në momentin që flitet për tre ndeshje finale të një Kampionati Evropian, nuk mund të flasim për një favorit. Të gjithë janë favoritë. Ne do të shkojmë të luajmë futboll, do të bëjmë punën tonë”.
