Sipas “Sky Deutschland” Thomas Strakosha është njëri nga dy portierët, të cilët Bayern Munich mendon si alternativë në rast se nuk arrihet akordi me Giorgio Mamardashvili.
Sipas “Sky” 28-vjeçari është lakuar shpesh ditët e fundit nga drejtuesit e Bayern-it. Këta të fundit konsiderojnë shqiptarin si një opsion “ekonomik” për rolin e portierit të dytë në ekip.
Siç dihet Sommer këtë verë do të largohet pasi kërkon të ketë rol titullari pasi verën e ardhshme shpreson të jetë titullar me Zvicrën në “Euro 2024”.
Në rast se Bayern nuk arrin akordin me Valencia-n për Mamardashvili-n atëherë FC Bayern përveç Strakoshës po shikon me interes edhe pistën, e cila e dërgon tek Dominisk Kotarski.
- Advertisement -
23-vjeçari është një profil interesant pasi ka lindur në Kroaci, pra është komunitar, dhe për momentin është nën kontratë me klubin e PAOK-ut të Selanikut.
