Yann Sommer, portieri zviceran i Interit, foli për SRF mbi festën që pasoi fitimin e titullit kampion me Interin: “Ishte festë mega emocionuese, euforike. Një festë e bukur për titullin me shumë njerëz. Më pëlqeu shumë.
Tifozët zikaltër e duan shumë klubin. Ata e tregojnë këtë në çdo ndeshje në shtëpi, por edhe jashtë fushe. Kishte kaq shumë njerëz, duke përfshirë vajza dhe djem të vegjël, ishte festë vërtet e bukur”.
Në Itali futbolli është pothuajse një fe: “Tifozët e duan klubin, e tregojnë në çdo ndeshje në shtëpi dhe jashtë. Këtë gëzim të pamasë mund ta ndjeni në çdo moment. Për një futbollist është një nga gjërat më të bukura që ekziston. Parada e titullit? Vështirë se do ta besoni. Na u deshën 7.5 orë për të ecur 2.5 km. Kishte kaq shumë njerëz, duke përfshirë vajza dhe djem të vegjël”.
A i bën kjo më me përgjegjësi: “Patjetër. Ne përpiqemi ta rikthejmë këtë gëzim me rezultate të mira në fushë. Natyrisht, presioni është atje, njerëzit donin titullin e yllit të dytë në fanellë. Si tifozë ata investojnë shumë”.
- Advertisement -
Sommer, shumë afër thyerjes së rekordit të portave të pastra (pa pësuar gol): “Po, por është gjithashtu meritë e ekipit. Unë tashmë kisha një mbrojtje shumë të fortë në Gladbach, nën drejtimin e Lucien Favre. Kështu është edhe tek Interi, kemi një strukturë të mirë në fushë. Si rezultat, pësojmë pak gola. Për mua si portier kjo është një ëndërr absolute”.
