Një tjetër sukses i jashtëzakonshëm, një tjetër natë magjike, një tjetër hap përpara drejt objektivit të titullit.
Napoli është thjesht i papërmbajtshëm, askush nuk arrin të ndalë ekipin e Spallettit, nuk e bëri diçka të tillë as Roma e Jose Mourinhos, me verdhekuqtë që dalin duar bosh nga “Maradona”.
Pas javës së 20-të e shohin veten të shkëputur 13 pikë nga Interi i vendit të dytë, një rekord absolut ky, pasi asnjë ekip në Serie A nuk kishte një avantazh të tillë pas javës së 20-të që kur një fitore vlerësohet me tre pikë.
