Trajneri i Kombëtares shqiptare, Silvinho, ka bërë publike listën zyrtare me 27 lojtarë të grumbulluar për dy ndeshjet e qershorit: më 7 kundër Serbisë dhe më 9 kundër Letonisë.
Në listë bie në sy pranimi i dy futbollistëve nga Kategoria Superiore, portierit kampion të Egnatias, Mario Dajsinani, dhe mbrojtësit të Dinamos, Naser Aliji, të cilët do të kenë mundësinë të provojnë veten në përfaqësuesen kombëtare.
Një rikthim i rëndësishëm është ai i mbrojtësit Mario Mitaj, i cili është rikthyer pas një periudhe mungese për shkak të dëmtimit. Nga ana tjetër, mungojnë në listë dy futbollistë të njohur, Taulant Seferi dhe Enea Mihaj, të cilët nuk janë ftuar për këtë grumbullim.
Lista e plotë e lojtarëve të thirrur është si më poshtë:
- Advertisement -
Portierë: Thomas Strakosha, Elhan Kastrati, Alen Sherri, Mario Dajsinani
Mbrojtës: Elseid Hysaj, Ivan Balliu, Mario Mitaj, Naser Aliji, Marash Kumbulla, Ardian Ismajli, Berat Gjimshiti, Arlind Ajeti, Adrian Bajrami
Mesfushorë: Ylber Ramadani, Juljan Shehu, Kristjan Asllani, Qazim Laçi, Adrion Pajaziti, Nedim Bajrami, Medon Berisha, Arbër Hoxha
Sulmues: Ernest Muçi, Jasir Asani, Armando Broja, Myrto Uzuni, Rey Manaj, Mirlind Daku
Kombëtarja shqiptare do të përballet më 7 qershor me Serbinë, ndërsa katër ditë më pas do të luajë ndaj Letonisë, ndeshje të cilat janë pjesë e përgatitjeve për sfidat ndërkombëtare që vijnë.
