E gjithë bota e sportit është solidarizuar me viktimat e tërmetit tragjik që goditi Turqinë. Të shumta kanë qen shoqatat, klubet, lojtarët dhe trajnerët që kanë dhuruar shifra të ndryshme për të prekurit. Së fundmi në listën e donatorëve ka hyrë edhe UEFA, institucioni përgjegjës për futbollin Evropian.
Sipas asaj që raporton gazeta turke “Sabah”, UEFA ka dhuruar 200 mijë euro për të mbështetur ekipet e shpëtimit të angazhuara në Turqi për nxjerrjen e të mbeturve nën rrënoja pas tërmetit tragjik.
Për të rritur akoma dhe më shumë këtë donacion, UEFA së bashku me 55 shoqatat anëtare të saj do të organizojë aktivitete të ndryshme në ditët para finales së Champions League, programuar për t’u mbajtur më 10 Qershor në Stamboll.
Ndërkaq, një minutë heshtje do të mbahet para ndeshjeve të radhës në tre kompeticionet e UEFA-s, Champions League, Europa League dhe Conference League në shenjë homazhi për viktimat. Ndërkohë, në duelin e së enjtes, e vlefshme për raundin play-off të Conference League mes Trabzonspor dhe Basel, lojtarët dhe të mbajnë në krah shirita të zinj.
