Të gjithë pronarët e rinj të mundshëm të Manchester United janë ftuar në prezantime në Old Trafford nga stafi i lartë i klubit gjatë dy javëve të ardhshme.
Ata përfshijnë përfaqësues të pronarit të Ineos Sir Jim Ratcliffe dhe Sheikh të Katarit Jassim bin Hamad Al Thani.
Andaj, dyshja konsiderohen si dy kandidatët kryesorë për të blerë klubin e Premier League nëse familja Glazer përfundimisht vendos të heqë dorë nga kontrolli.
Një pjesë e prezantimeve do të sillet rreth mënyrës sesi klubi mund të gjenerojë më shumë të ardhura.
- Advertisement -
Kampi i Ratcliffe do të vizitohet në fund të javës së ardhshme, megjithëse ende nuk është konfirmuar nëse miliarderi britanik 70-vjeçar do të marrë pjesë. Javën e ardhshme prezantimin do ta marrë edhe delegacioni i Sheik Jasimit.
Nuk dihet nëse ka pasur oferta shtesë për të blerë klubin, por organizata të tjera kanë shprehur interes për të marrë një aksion në United.
Të tjerë, përfshirë Elliott Group, kanë shprehur gatishmërinë për të ndihmuar me financime, qoftë për ofertues të jashtëm ose nëse familja Glazer vendos të mbajë United.
