Derby County, DC United, Birmingham. Karriera si trajner e Wayne Rooney filloi në ligat e ulëta angleze, pastaj pati një periudhë të shkurtër në Amerikë, por deri më tani nuk ka bitisur ende siç priste ish-sulmuesi i shuqar anglez.
Përvoja e tij e fundit, ajo në stolin e Birminghamit, ishte fatkeqe: 15 ndeshje me vetëm 2 fitore dhe 9 humbje. Pas më pak se tre muajsh erdhi shkarkimi i tij i pashmangshëm. I intervistuar nga BBC, Rooney saktësoi se nuk ishte i dekurajuar nga kjo ecuri negative në trajning deri tani, përkundrazi, ka një ëndërr:
“Qëllimi është të stërvis në Premier League. Manchester United dhe Everton janë klubet e mia të ëndrrave, por do të jetë një proces i gjatë. Në 10 vitet e ardhshme shpresoj të kem mundësinë të zë një nga pozicionet më prestigjioze.
Ajo që ndodhi në Birmingham ishte një pengesë, por unë jam luftëtar dhe dua të rikthehem në fushë. Për një trajner, shkarkimi është pjesë e punës, por ajo që ka rëndësi është të dish të rikuperosh. Kam pasur kohë të mendoj dhe të kuptoj se çfarë të bëj herën tjetër, kur të punoj si trajner”.
