Gjithçka rreth Harry Kane. Anglezi është qendërsulmuesi i zgjedhur nga Real Madridi për të zëvendësuar Karim Benzema, i cili u largua nga “Bernabeu” pas 14 vitesh për të shkuar në Arabinë Saudite. Kane është 29 vjeç dhe ka vetëm një vit kontratë me Tottenhamin, i cili do ta humbasë me kosto zero pas 12 muajsh.
Klubi londinez nuk do të luajë në Evropë sezonin e ardhshëm dhe qendërsulmuesi është gati të vazhdojë përpara, pas 10 sezonesh në klubin ku u rrit. Do të jetë më e ndërlikuar të negociohet me Daniel Levy, presidentin e “Spurs”, i cili tashmë ka bërë që Real Madridi të vuajë për Gareth Bale, lojtarin e parë që ka mbërritur me tri shifra si çmim, dhe Luka Modric.
Levy e di interesin e Real Madridit, por nuk mund të bëjë shumë për ta mbajtur Kane. Ai preferon ta shesë Kane jashtë vendit sesa të forcojë konkurrentët anglezë. Në “Bernabeu” e kanë vendosur tavanin e shpenzimeve për Kane në 80 milionë euro. Shifra duket e arsyeshme.
Spanjollët nuk duan të përsërisin gabimin e bërë me Eden Hazard, i marrë nga Chelsea një vit pas lirimit për shumën e pabesueshme prej 160 milionë eurosh dhe që rezultoi një dështim shumë i shtrenjtë.
- Advertisement -
Harry Kane këtë vit, pavarësisht sezonit të keq të Tottenhamit, ka treguar formë të shkëlqyer. Me tre trajnerë në drejtim (Conte, Stellini dhe Mason), ai arriti të shënonte 30 gola në Premier League, 6 më pak se “Këpuca e Artë” sezonale në Angli, Haaland. Pothuajse dyfishi i 17 golave të kampionatit të kaluar.
Të dy, Ancelotti dhe Florentino Perez e konsiderojnë Kane qendërsulmuesin ideal për të marrë “stafetën” e lënë nga Benzema, për sa i përket cilësisë brenda dhe jashtë zonës dhe aftësive shoqëruese. Real Madridi gjithashtu e ka mbyllur marrëveshjen me Joselu, qendërsulmues i Espanyol, i cili do të zëvendësojë Mariano.
Në sulm do të promovohet edhe 18-vjeçari uruguaian Alvaro Rodriguez, aktualisht me Castilla e Raulit. Dje pasdite u zyrtarizua edhe transferimi i Jude Bellingham, i cili tashmë ka firmosur dhe do të jetë i lidhur me klubin madrilen deri në vitin 2029. Një operacion që ka kushtuar mbi 100 milionë euro.
