Chelsea po kalon një nga moment më të vështirë, jashtë çdo objektivi të mundshëm sezonal. Pavarësisht se investuan miliona në klub, nuk ka asnjë efekt te rezultatet në fushë. Presioni sa vjen e shtohet, por më së shumti të trajneri Graham Potter. Ky i fundit ka zbuluar ai dhe familja e tij janë kërcënuar me vdekje nga tifozët e Chelsea.
“Më kanë thënë se dëshirojnë vdekjen time dhe të fëmijëve të mijë”, u shpreh Potter në një intervistë për ‘Mirror’. Trajneri i Chelsea pranoi ndër të tjera se pavarësisht kërcënimeve që vijnë nga jashtë, klima ku po punon është shumë pozitive.
“Atmosfera këtu në klub ka qenë gjithnjë pozitive, por kjo nuk do të thotë se është e lehtë të kalosh këtë moment të vështirë. Kam folur me drejtuesit e klubit, edhe ata janë të shqetësuar pasi rezultatet janë zhgënjyese, duhet të bëjmë më mirë”, u shpreh ndër të tjera trajneri Potter.
