Portugalia ka fituar për herë të dytë në histori trofeun e Ligës së Kombeve, duke mposhtur Spanjën në një finale dramatike të zhvilluar mbrëmjen e sotme në Mynih.
Ndeshja përfundoi me rezultat 2-2 në kohën e rregullt. Për Spanjën shënuan Zubimendi dhe Oyarzabal, ndërsa për Portugalinë realizuan Nuno Mendes dhe kapiteni Cristiano Ronaldo, duke e çuar sfidën drejt penalltive.
Në serinë e 11-metërshave, luzitanët u treguan më të saktë dhe të qetë. Alvaro Morata ishte i vetmi që gaboi nga pika e bardhë, duke i dhënë avantazhin vendimtar Portugalisë dhe, me këtë, edhe trofeun.
Fitorja e sotme vulos edhe një tjetër sukses të madh për Ronaldon dhe ekipin portugez, duke rikthyer festën në Lisbonë dhe në të gjithë vendin.
- Advertisement -
https://www.youtube.com/watch?v=sl07R45DLTA
