Jan Oblak, portieri i Atletico Madridit, është i fokusuar te ndeshja e kthimit 1/8 finale e Ligës së Kampionëve kundër Interit. Kujtojmë se përballja e parë mes këtyre dy skuadrave në “San Siro” përfundoi me fitoren minimale të zikaltërve:
“Futbolli ndryshon shumë shpejt, ndeshje pas ndeshjeje. Ishim të gjithë të zhgënjyer, shpresonim finalen e Kupës së Mbretit. Skuadra duhet të ketë besim dhe ambicie për të arritur qëllime më të mëdha.
Nuk mjafton të mendojmë se, meqë ndodhemi të katërtit në La Liga, gjithçka është mirë. Kaq nuk mjafton, duhet të jemi kërkues ndaj vetes. Kundër Interit duhet të bëjmë gjithçka që mundemi për ta përmbysur disavantazhin 1-0, të japim gjithçka në fushë.
Shpresoj se mund ta bëjmë dhe të vazhdojmë në Ligën e Kampionëve, pastaj të arrijmë sa më lart që të jetë e mundur. Kritikat ndaj meje? Nuk dyshoj në veten time, por është normale që kur pëson më shumë gola, kritikat nisin nëpër media.
- Advertisement -
Unë nuk do të dyshoj në veten time, çdo ditë jap gjithçka, bëj më të mirën që mundem. Ka ditë më të mira dhe më të këqija, por kam besim në veten dhe punën time”.
