Marshimi i Arabisë Saudite nuk ndalet, teksa vazhdon të marrë lojtarët më të mirë në Evropë. Emri në krye të listës së dëshirave të Al-Ittihad tashmë është një nga golashënuesit më të spikatur. Ai mund t’iu bashkohet emrave të mëdhenj tashmë të pranishëm në Pro Ligën Saudite si Benzema, Kante dhe Ronaldo.
Sauditët do të ishin gati të ofronin një shumë monstruoze për “Reds”, që ta rrëmbenin “Faraonin” egjiptian. Sipas asaj që raportohet nga faqja spanjolle “Relevo”, Al-Ittihad është gati të ofrojë më shumë se 100 milionë euro për klubin anglez, që të sigurojë shërbimet e egjiptianit.
Ky i fundit do të ishte i hapur për një shitje të mundshme, pavarësisht kontratës 3-vjeçare, të zgjatur vitin e kaluar, e cila e lidh atë me Liverpool.
Jo vetëm kaq, Salah do t’i garantohej paga më e lartë në Pro Ligën Saudite, më shumë se 200 milionë euro në vit, pra më e lartë se ajo e Cristiano Ronaldos (Al-Nassr) dhe Neymar (Al-Hilal).
