Napoli nuk njeh rival në Serie A, vijon i qetë marshimin drejt titullit kampion.
Ekipi i Spallettit kaloi pa shumë vështirësi Cremonese në “Maradona” duke dalë me pikë të plota duke triumfuar më rezultat 3-0.
Kvarataskhelia kaloi Napolin në avantazh në minutën e 22-të takimit, ndërsa në minutën e 65-të ishte Victor Osimhen që dyfishoi shifrat për 2-0. Për nigerianin ky ishte goli i tij i 17-të sezonal në Serie A. Për të mbyllur përfundimisht llogaritë mendoi Elmas në minutën e 79-të që hipotekoi fitoren e 6-të radhazi për Napolin në Serie A.
