Real Madrid dhe Luka Modriç raportohet se tashmë kanë arritur marrëveshje për rinovimin e kontratës së re.
Mesfushor kroat, i cili po vazhdon të shkëlqejë edhe këtë sezon të garave me madrilenët, sipas medieve spanjolle, do të vazhdojë kontratën edhe për një vit me kampionët në fuqi të Spanjës.
“Real Madridi ka arritur marrëveshje të plotë me mesfushorin 37-vjeçar Luka Modriç për rinovimin e kontratës deri në vitin 2024”, shkruajnë mediet iberike.
Veterani kroat gjatë kësaj verë mbyll kontratën aktuale me ‘Los Blancos’, por siç raportohet, tashmë të dy palët kanë arritur marrëveshje ta paktën edhe për një sezon.
- Advertisement -
Ndryshe, Modriç thuhet se ka refuzuar mega-ofertën nga Arabia Saudite për t’i qëndruar besnik skuadrës ‘merenguese’.
