Momente frike në stadiumin “Rose Bowl”, në Pasadena, ku u zhvillua ndeshja miqësore mes Real Madridit dhe Milanit, e fituar nga “Los Blancos” me përmbysje 3-2. Pak para fillimit të ndeshjes, ish-portieri i West Ham, Newcastle dhe Portsmouth, Shaka Hislop, tashmë komentues i ESPN, në fakt ka pësuar një kolaps shëndetësor.
Ish-portieri i kombëtares së Trinidad & Tobago u rrëzua teksa po fliste me kolegun Dan Thomas në transmetim televiziv “live”. Në video, Hislop shihet qartë duke u lëkundur para se të rrëzohet, duke dalë jashtë fokusit të kamerës.
Thomas menjëherë sinjalizoi sigurinë që të thërriste personelin mjekësor në terren për ta ndihmuar Hislop. Ndihma ishte e menjëhershme dhe pak pas fillimit të ndeshjes ishte Thomas, ai që siguroi për gjendjen shëndetësore të Hislop: “Mjekët po kujdesen për të, edhe pse është shumë herët për çdo lloj diagnoze mjekësore”.
Sending thoughts and prayers to Shaka Hislop after he passed out live on the ESPN broadcast of AC Milan vs. Real Madrid. Glad to hear he’s conscious now, and the medics are looking after him. #ShakaHislop
- Advertisement -
— BoreCure (@CureBore) July 24, 2023
