Është mbyllur afati i markatos dimërore në futboll me Premier League që vendosi një rekord absolut, duke shpenzuar 922 milionë euro sipas ‘Deloitte’.
Kjo shifër ishte gati se gjysma e janarit të 2018 që ishte edhe rekordi i mëparshëm me afërsisht 500 milionë euro.
Sa i takon këtij janari nga 922 milionë euro vetëm Chelsea ka shpenzuar 326 milionë euro, më shumë se ligat Seria A, La Liga, Bundesliga dhe Ligue 1 së bashku.
Chelsea pagoi 121 milionë euro për Enzo Fernandes të Benfica-s, duke thyer edhe rekordin e Premier League për blerjet më të shtrenjtë që mbahej nga Jack Grealish i City-t për 115 milionë euro.
- Advertisement -
Këto shifra monstrueze kanë revoltuar së pari presidentin e La Liga-s Javier Tebas, i cili thotë se klubet në Angli shpenzojnë më shumë sesa fitojnë dhe për rrjedhojë janë në borxhe, ndërsa në Itali po bëjnë analiza përse e kanë të pamundur të konkurrojnë.
Tanimë Premier League po konsiderohet si Superliga Evropiane, e ëndërruar nga disa klube në kontinentin e vjetër ku edhe skuadrat e vogla kanë mundësi të mëdha ekonomike më të medhaja.
