Kylian Mbappe po kalon një sezon të shkëlqyer në La Liga, pas një fillimi të ngadalshëm. Sulmuesi francez ka shënuar 22 gola në kampionatin spanjoll, duke rikthyer formën e tij të njohur dhe duke konfirmuar statusin e tij si një nga lojtarët më të mirë në botë.
Në një intervistë për një medium spanjoll, Mbappe u pyet në lidhje me përparësitë e tij mes “Topit të Artë” dhe Ligës së Kampionëve. Përgjigja e tij ishte e qartë: “Do të zgjidhja Ligën e Kampionëve. Misioni është të fitojmë tituj dhe të bëjmë histori me Real Madridin,” deklaroi ai.
Mbappe, i cili u transferua në verën e kaluar nga PSG si një lojtar i lirë, ka pasur një ndikim të madh që nga ardhja e tij. Në 46 paraqitje, ai ka shënuar 32 gola dhe ka regjistruar 4 asistime në të gjitha garat, duke kontribuar ndjeshëm në suksesin e ekipit.
