Manchester United raportohet se ka vendosur të nxjerrë në shitje talentin e ri, Kobbie Mainoo, për të siguruar fonde të nevojshme për një rindërtim e skuadrës për edicionin e ardhshëm.
Sipas gazetarit Florian Plettenberg, drejtuesit e klubit e shohin shitjen e 19-vjeçarit si një mundësi për të financuar përforcimet e planifikuara në afatin kalimtar të verës që po vjen.
United është i bindur se kombinimi i largimeve të planifikuara dhe të mundshme do të sigurojë fondet e nevojshme për një investim të rëndësishëm në skuadër.
Përveç Mainoo, mes lojtarëve që mund të largohen janë edhe Victor Lindelöf, Casemiro, Christian Eriksen, Marcus Rashford dhe Antony.
- Advertisement -
Chelsea prej kohësh ka shfaqur interesim për mesfushorin qendror, por në garë për firmën e tij mund të hyjë edhe Bayern Munich.
Reprezentuesi i Anglisë ka qenë jashtë fushave për pjesën më të madhe të sezonit për shkak të disa lëndimeve, me problemin e tij më të fundit që e la jashtë pas fitores 2-1 ndaj Leicester City në FA Cup.
Ndërkohë, skuadra e Ruben Amorim-it vazhdon të vuajë në pjesën e poshtme të tabelës, duke u renditur në vendin e 13-të me vetëm 37 pikë nga 29 ndeshje.
