Edhe pse po bën një paraqitje mjaft të mirë me ekipin e ri në Bundesligë duket se Herri Kejn-in po e ndjek “mallkimi” për mos të fituar asnjë çmim.
Kujtojmë që sulmuesi anglez veshi fanellën e Bajern me një kalim të bujshëm nga Totenhami verën e kaluar me një objektiv të qartë për të fituar tituj, por tek bavarezët jo çdo gjë po shkon sipas planit.
Në vetëm 15 ndeshje, tashmë i ka ‘thanë lamtumirë’ dy nga katër titujve për të cilët po konkurronin këtë sezon.
Gjermanët e Bajern humbën Superkupën kundër RB Leipzig (3-0) në debutimin e Kejn. Një hat-trick historik i Dani Olmo e pengoi anglezin, i cili hyri në lojë në minutën e 64-të në rezultatin 0-2, të fitonte titullin e parë të karrierës së tij.
- Advertisement -
Pengesa e dytë erdhi në Kupë kundër Saarbruckenit. Skuadra e 15-të në divizionin e tretë të Gjermanisë e eliminoi Bayernin. Golat nga Patrick Sontheimer (’45+1) dhe Marcel Gaus (’96) kthyen golin e hapjes së Thomas Müller (’16).
Deri tani, realiteti është shumë larg nga deklarata në prezantimin e Kane në gusht, kur ai deklaroi, “Unë dua të luaj në Ligën e Kampionëve dhe të luftoj për tituj. Qëllimi im është të fitoj të gjithë trofetë për të cilët luajmë”, u shpreh sulmuesi anglez.
Bayerni, i cili mbetet i pamposhtur në Ligën e Kampionëve, nuk është lider as në Gjermani, është i dyti në Bundesligë, dy pikë pas skuadrës befasuese të Bayer Leverkusenit të Xabi Alonso-s.
Për t’i bërë gjërat edhe më keq, Tottenhami ‘i tij’, i cili nuk ka fituar një titull që nga viti 2008, është në krye të Premier League. “Do të shohim nëse Bayern dhe Tottenham mund ta fitojnë ligën”, tha Kane.
Edhe pse me asnjë titull në “xhep” Kejn tashmë ka shënuar 14 gola në 13 ndeshje me paraqitje mjaft efiçente për skuadrën e tij.
