Ditët e fundit, historia e merkatos që ka shkaktuar më së shumti bujë në Itali ka të bëjë me Romelu Lukaku, i cili përfundoi në qendër të një beteje mes Interit dhe Juves.
Në fund, megjithatë, zikaltërit u acaruan nga qëndrimi i belgut, i cili mesa duket nuk e ka dhënë “po”-në përfundimtare, gjithsesi i hapur për një transferim te klubi i Juventusit.
Por pas ditësh heshtjeje, si me Interin, ashtu edhe në rrjetet sociale, Lukaku iu është rikthyer postimeve në llogarinë e tij në Instagram. Lukaku duket se është entuziast për pushimet e tij, ndërsa Juve dhe Inter ishin protagonistët e një sfide në distancë, nga e cila tani janë tërhequr zikaltrit.
Nga ana tjetër, sulmuesi belg, siç dëshmohet nga një video e postuar në profilin e tij, postimi i parë pas aferës së merkatos, relaksohet, luan basketboll me miqtë e tij dhe bën not gjatë pushimeve.
- Advertisement -
Por ka gjithashtu kohë për të vrapuar në një fushë futbolli, ndoshta për t’u përgatitur për sezonin e ardhshëm. Një mesazh i qartë për ata që vendosin ta blejnë, edhe nëse skuadra me të cilën do të luajë mbetet ende mister.
