Fitorja e Atalantës ndaj Romës ka përzier letrat për skuadrat italiane që synojnë të kualifikohen në Ligën e kampioneve për sezonin e ardhshëm. Pas humbjeve të Lazios dhe Juventusit, sukseseve të Milanit dhe Interit, renditja e Serisë A pas 31 javësh ndryshon përsa i përket emrave të skuadrave që synojnë, pas Napolit, tre vendet kualifikuese për në Ligën e Kampioneve.
Janë nëntë pikë midis bardhekaltërve të Maurizio Sarrit dhe zikaltërve të Gian Piero Gasperinit, një situatë që mund të ndërlikohet më tej, javën e ardhshme të kampionatit të Serie A, duke pasur parasysh ndeshjet Roma-Milan dhe Inter-Lazio. E nga këtu deri në fund të kampionatit ka duele të tjera të rëndësishme: Milan-Lazio, Roma-Inter dhe Atalanta-Juventus (java e 34-të), Napoli-Inter e 36-ta, Inter-Atalanta dhe Juventus-Milan në javën e 37-të.
Për të mos folur për dënimin e ri të mundshëm që mund të marrë Juventusi. Aktualisht, renditja pas Napolit, është kjo, Lazio 61 pikë, Juventus 59 pikë, Milan dhe Roma 56 pikë, Inter 54 pikë, Atalanta 52 pikë.
