Snte, prej orës 20:45, në “Ennio Tardini” të Parmës do të luhet ndeshja miqësore Shqipëri-Kili. Sytë e futbolldashësve shqiptarë janë tërësisht nga kuqezinjtë, të cilët do të luajnë edhe në finalet e “Euro 2024”. teste të tilla janë pikërisht në funksion të kolaudimit të grupit, qartësimit të formacionit dhe mbajtjes në tonus të gjithë lojtarëve.
Lorik Cana, kapiteni legjendar i Shqipërisë, ka treguar për mediat në Kili se çfarë pret nga ky test miqësor mes dy përfaqësueseve, duke zbuluar edhe pikat e forta të kuqezinjve. “Nuk jemi mësuar të luajmë me skuadra nga Amerika e Jugut, ndaj do të jetë një sfidë shumë interesante. Një test mjaft i mirë për të përgatitur Europianin”, – tha fillimisht Cana.
Çfarë mund të na thoni për kombëtaren shqiptare?
Shqipëria ka një ekip të ri dhe shumë të mirë. Ne u klasifikuam të parët në grupin tonë në Euro 2024 dhe kemi shumë lojtarë që luajnë në ekipe të mira në Europë. Ka një të ardhme të mirë përpara me lojtarë si Strakosha, Kumbulla, Mitaj, Balliu, Asllani dhe Broja.
- Advertisement -
Kili nga ana tjetër, ka pësuar rënien në periudhë e fundit. Si ju duket?
Në mendjen tonë, përfaqësuesja kiliane do të jetë gjithmonë një ekip shumë i mirë dhe do të ketë lojtarë të nivelit të parë. Nuk po kalojnë periudhën më të mirë, por me siguri do të kthehen më ë fortë.
Cilët janë lojtarët kilianë që ju pëlqejnë?
Unë u rrita duke parë Ivan Zamoranon te Real Madrid, është i pari që më vjen në mendje. Gjithashtu kam luajtur te Lazio dhe më kujtohet që njerëzit atje trajtonin si legjendë Marcelo Salas.
Kur keni qenë te Lazio, keni mundur të luani disa ndeshje kundër Arturo Vidal. Si e kujtoni?
- Advertisement -
Po, kisha kënaqësinë që të luaja ndaj një lojtari të nivelit më të lartë si Arturo VIfal. Ai është një lojtar i madh, me një mentalitet të madh. Është një luftëtar i vërtetë në fushë, me cilësi të mëdha. Ai ka fituar shumë në Itali dhe i ka ecur mjaft mirë në çdo skuadër ku ka shkuar.
Sa i përket të kaluarës tuaj në Marsejë, po ju pyes për Alexis Sanchez. E e shihni mungesën e tij në atë ekip?
Alexis Sanchez është një lojtar fantastik, me një karrierë të madhe. Realisht dëshiroja që të qëndronte më shumë në Marsejë. Ai kishte mentalitetin e duhur për të bërë mirë në një klub dhe një qytet me aq shumë pasion si Marseja.
