Një skenë e pabesueshme dhe e shëmtuar ka ndodhur në një ndeshje të ligës kroate të futbollit.
Në sfidën ndërmjet Istrias dhe Rijekës, arbitri nxori jashtë loje Ande Ercegun me kartonin e dytë të verdhë në minutën e 90-të të takimit. Ai nuk mundi të përmbajë nervat dhe mori bllokun e arbitrit, të cilin e grisi dhe e hodhi në tokë.
Më pas lojtari u nis për në dhomat e zhveshjes duke hequr edhe fanellën. Istria, e cila përfundoi ndeshjen me 9 lojtarë, humbi 2-0 në shtëpi. Kjo skenë ishte tepër e turpshme dhe pritet që lojtari të marrë një dënim të rënd për shkak të këtij gjesti të ulët.
