Roma ruan hapin dhe përforcon pozitat për një vend në Champions, pas javës së 23-të Roma ndodhet në vendin e tretë në kuotën e 44 pikëve, po aq sa Milan dhe plus dy pikë në raport me Lazio-n.
Në stadiumin Olimpik vendosi një gol i shënuar nga Solbakken në minutën e 45-të të takimit. Jose Mourinho nuk e preferoi për asnjë minutë qendërmbrojtësin kuqezi, Marash Kumbulla që nxeu stolin.
Ndërsa, me Hysajn titullar nga minuta e parë, Lazio siguroi një fitore të pastër 0-2 në transfertë përballe Salernitana-s. Ciro Immobile ishte njeri i ndeshjes, autor i një dygolëshi brenda nëntë minutash në pjesën e dytë të takimit.
Titullar dhe 90-minuta në fushë ishte dhe Berat Gjimshiti për Atalanta-n. Ekipi i Gasperinit pësoi një humbje 1-2 në Bergamo përballë Lecces.
- Advertisement -
Pavarësisht dy golave të pësuar, Berat Gjimshiti, ishte lojtari më i vlerësuar në mbrojtjen e Atalanta-s, nota 6. Një tjetër paraqitje pozitive zhvilloi këtë javë edhe qendërmbrojtësit tjetër Adrian Ismajli.
Pas barazimit 1-1 në transfertë përballë Fiorenties, Ismajli u vlerësua me notën 6.
