Kukësi ka arritur të nënshkruaj më mesfushorin Rrezart Kokollari.
Lajmi është bërë i ditur nga vetë klubi përmes një postimi që është bërë në Facebook.
Ata bëjnë të ditur se 19-vjeçar ka firmosur me verilindorët një kontratë deri në vitin 2026.
Njoftimi i klubit të Kukësit:
- Advertisement -
Futboll Klub Kukësi njofton se mesfushori Rrezart Kokollari është zyrtarisht futbollist i skuadrës sonë! Futbollisti 19-vjeçar ka firmosur ditën e sotme me klubin tonë një kontratë deri në vitin 2026, duke u bërë futbollisti më i ri në skuadër.
19 vjeçari nga Ferizaj, i lindur në Zvicër vjen te Kukësi nga kampionati italian ku së fundmi ka qenë pjesë e San Luca teksa është një futbollist i dalë nga akademia e Zurich. Kokollari ka luajtur edhe me ekipin e moshave të Team Vaud e Yverdon në Zvicër.
Klubi i Kukësit i uron mirëseardhje futbollistit Rrezart Kokollari dhe shumë suksese me fanellën e skuadrës sonë. Mirësevjen Rrezart.
