“A kam folur me klubin për rinovimin e kontratës? Unë them gjithmonë të vërtetën, nuk e di të ardhmen. Jam duke menduar se çfarë të bëj, por nuk kam vendosur asgjë. Jam i kënaqur me faktin që shumë njerëz duan që unë luaj edhe një vit, kjo është pozitive, por nuk e kam marrë ende vendimin”.
Mesfushori i Real Madridit, Toni Kroos, e tha këtë në një konferencë për shtyp, pas ndeshjes së parë të 1/8 finale të Ligës së Kampionëve si mysafir ndaj Leipzigut, kur u pyet për të ardhmen e tij.
Çelësi për të vazhduar: “Të kesh të njëjtën dëshirë për të fituar si 10 vite më parë, përndryshe nuk mund ta bësh. Kujdesem shumë për trupin tim, mund të luaj çdo tri ditë pa ndodhur asgjë. Gjërat po funksionojnë”.
Niveli i shkëlqyer i Toni Kroos te Real Madridi ka nxjerrë edhe një herë në dritë debatin për vazhdimësinë e tij te “Los Blancos” duke nisur nga data 30 qershor. Mesfushori në moshën 34-vjeçare ende nuk e ka njoftuar klubin nëse do të vazhdojë apo jo, por për këtë ka folur nëna e tij.
- Advertisement -
Birgit Kämmer foli në podkastin që Toni ka me vëllain e tij, Félix, “Einfach mal Luppen”, u ndal kryesisht tek e ardhmja e djalit të madh: “Nëse ai rinovon me Real Madridin do të bëjë të lumtur trajnerin, shokët e skuadrës, gjithashtu Leon (djalin e tij) dhe shumë të tjerë. Në fund të fundit, ai duhet të jetë i lumtur, kështu që vendos vetë. Ai vendos se çfarë duhet të bëjë dhe ne e pranojmë, kjo është e gjitha. Uroj që ta përfundojë ashtu siç dëshiron nga thellësia e zemrës së tij”.
Nga ana e saj, mamaja ishte e qartë për preferencat e saj për të ardhmen, megjithëse theksoi vështirësinë e vendimit të Kroos: “Ai do ta përfundojë karrierën në nivelin më të lartë dhe pa u shqetësuar nga dëmtimet. E di që është një vendim i vështirë për t’u marrë. Ajo që unë dua është të ketë një pushim të mirë veror, një kamp të mirë stërvitor dhe ta shoh ta fillojë sezonin e tij të fundit në Madrid”.
