Kombëtarja e Kosovës në hendboll në konkurrencën e femrave e ka humbur ndeshjen e parë në kuadër të Kampionatit Evropian për grupmoshën U19.
Të shtunën në mbrëmje hendbollistet tona pësuan nga Sllovakia me rezultat 39:26. Ndeshja u luajt në Pallatin e Rinisë në Prishtinë para një numri të konsiderueshëm shikuesish.
Kombëtares sonë i kushtoi hapja jo e mirë e ndeshjes. Në pjesën e parë sllovaket kanë dominuar plotësisht. Dukshëm më mirë vajzat tona luajtën në pjesën e dytë, por jo mjaftueshëm sa për ta rrezikuar fitoren e Sllovakisë.
Në ndeshjet vijuese të këtij evenimet që po mbahet në kryeqytetin e Kosovës, priten paraqitje më të mira nga vashat e Kombëtares sonë.
