Kryeministri i Kosovës, Albin Kurti, e ka konfirmuar së Kosova edhe zyrtarisht është në mesin e shteteve kandidate për organizimin e Lojërave Mesdhetare që do të mbahen në vitin 2030.
I pari i Qeverisë së Kosovës, të martën zhvilloi një takim me presidentin e Komitetit Olimpik të Kosovës, Ismet Krasniqin.
Kryeministri Kurti, ka thënë se kjo kandidaturë do të shënojë një moment historik të zhvillimit të sportit në Kosovë.
Sipas tij, është arritur marrëveshja me Shqipërinë që ky eveniment sportiv të zhvillohet në bregdetin shqiptar.
- Advertisement -
“Jemi pajtuar me Shqipërinë se këto lojëra do të zhvillohen më bregdetin shqiptar. Mbështetjen për sportin e kemi rritur 200 për qind”, ka thënë Kurti.
