Kim Kardashian ka ndezur rrjetet sociale dhe këtë radhë jo duke pozuar gjysmë e zhveshur siç bën zakonisht, por me një fanellë të Romës.
Pamjet e saj me fanellën e kësaj skuadre në Los Anxhelos kanë pushtuar rrjetin, por njëkohësisht janë bërë edhe objekt talljesh.
Roma postoi me krenari foton e Kardashian me fanellën e saj të edicionit 1997-1998, në rrjete sociale, si për të treguar famën që kishte fituar klubi kryeqytetas.
Por menjëherë nga ana e “kushërinjve” lokalë ka ardhur një përgjigje tallëse. “Oh nënë, Kim çfarë na kujtove!” shkruante klubi i Lacios duke postuar në Twitter fotot e edicionit kur Roma vishte atë fanellën që mbante modelja amerikane.
