Krenaria e Sportit të Kosovës, Majlinda Kelmendi në episodin e pare të Podcastit “Flasim” me kryeministrin e Shqipërisë, Edi Rama, ka zbuluar se ka refuzuar ofertat milionësh që ka pasur nga shtete tjera nga dëshira për ta përfaqësuar Kosovën.
Ajo thotë së ka qenë trajneri Driton Kuka, i cili insistuar që ne të përfaqësojmë shtetin e Kosovës.
Majlinda tha se nuk do t’ia falte asnjëherë vetes nëse medalja e saj olimpike do të shkonte për një shtet tjetër e jo për Kosovën.
“Unë jam një ndër ata sportistë që kam pasur oferta milionëshe prej shteteve tjera që t’i përfaqësojë, gjatë kohës kur më kanë ardhur ato oferta, familja ime ka qenë në situatë shumë të vështirë ekonomike dhe që nuk kam qenë shumë e sigurtë nëse vendimi është i duhur apo jo, që t’i refuzojë ato oferta. Ngjarja më bën të ndihem jashtëzakonisht krenare me veten dhe me trajnerin tim, sepse ka qenë ai që gjithë kohën ka insistuar që ne të mbesim në Kosovë dhe ta përfaqësojmë Kosovën në arenën ndërkombëtare”, ka thënë Kelmendi.
- Advertisement -
“Nuk do t’ia falja asnjëherë vetës nëse medalja ime olimpike do të shkonte për një shtet tjetër e jo për Kosovën. E kam pasur ëndërr gjithmonë që medaljen olimpike për krejt shqiptarët të jem unë ajo që e sjell dhe jam e lumtur që kjo ëndërr e imja është bërë realitet”, ka theksuar kampionia olimpike.
