Ballkani ka njoftuar se kanë dalur në shitje biletat për ndeshjen kundër Ludogorets në kuadër të kualifikimeve për Champions League.
“Biletat për këtë ndeshje do të shiten vetëm online. Tifozët e klubit tanë “Xhebrailat” janë të vendosur në tribunën Veri. Çmimet e biletave janë: Veri dhe Jug 3 euro, Lindje 5 euro, Perëndim 10 euro, dhe VIP 25 euro”, ka shkruar klubi suharekas në faqen e vet.
Federata e Futbollit e Kosovës ka njoftuar të premten se ndeshja do të zhvillohet në stadiumin “Fadil Vokrri” në Prishtinë.
Ndeshja e të martës është e para, ndërsa pas një jave do të jetë ndeshja e dytë në Bullgari.
