Pesë herë fituesi i “Topit të Artë” ishte pjesë e kombëtares portugeze, e cila qëndroi në hotelin “Grand Plaza” gjatë ndeshjes së luajtur në Lubjanë. Menaxhmenti i hotelit tani ka bashkëpunuar me kompaninë mediatike “POP TV” për të shpallur ankandin e shtratit ku fjeti Ronaldo para miqësores me Slloveninë, teksa të gjitha të ardhurat do të shkojnë për bamirësi. Ankandi nis nga çmimi fillestar prej ofertën e hapur prej 5.300 dollarësh.
“Duke qenë se ky ishte një event mjaft i veçantë dhe unik, vendosëm të përgatisim një surprizë, në të cilën mund të marrin pjesë të gjithë fansat. Nuk e dimë se kur do të kemi mundësinë ta presim sërish Ronaldon në Slloveni, – thuhet në deklaratën e hotelit. – Në një ankand special do të ofrojmë shtratin në të cilin ka fjetur ylli Cristiano Ronaldo në shtëpinë tonë. Iu urojmë të gjithëve fat dhe pjesëmarrje të suksesshme në këtë event”.
Edhe pse oferta fillon me një çmim modest, menaxhmenti i hotelit shpreson se mania për Ronaldon do ta çojë çmimin final në një shumë të lartë. Pavarësisht se ishte në kryeqytetin slloven, jo shumë tifozë mund të afroheshin me Ronaldon, por mundësia për të rrëmbyer një relike që lidhet ngushtësisht me yllin portugez mund të jetë emocionuese për ta.
Veçanërisht, ky nuk është rasti i parë kur kujtimet e bashkangjitura me superyllin portugez kanë tërhequr një vëmendje të tillë. Pasi Ronaldo u transferua në Arabinë Saudite, pas sezonit të tij të dytë të trazuar me Manchester United, fanella që veshi në ndeshjen e fundit me “Djajtë e Kuq” kundër Aston Villa u shit për mbi 48.000 dollarë.
Ronaldo u kthye në formacionin e Portugalisë për miqësoren ndaj Sllovenisë, pasi ishte lënë pushim kundër Suedisë. Megjithatë, kombëtarja luzitane u mposht 2-0 në Lubjanë, teksa Robert Martinez pësoi humbjen e tij të parë si trajner i Portugalisë.
