Sulmuesi Erling Haaland, i cili foli në konferencën për shtyp nga grumbullimi me Norvegjinë, tregoi bisedën e tij të fundit me trajnerin Pep Guardiola, përpara se t’i përgjigjej thirrjes së ekipit kombëtar:
“Është bukur të përfaqësosh vendin tënd, por është ndryshe të përballesh me Arsenalin (fundjavën e ardhshme) krahasuar me Çekinë në shtëpi. Nuk mund të gënjej, ka një ndryshim të madh.
Trajneri Guardiola më tha vetëm një gjë, para se të largohesha për në kombëtare: “Nëse nuk je mirë kur të kthehesh, do të marr me shpulla… Kur të vijë Kampionati Evropian do të jem në gjendje të relaksohem. Të pushoj pak do të jetë pozitive, edhe pse padyshim që do të kisha dashur të luaja në këtë kompeticion me Norvegjinë”.
Në lidhje me kritikat e marra kohët e fundit, sulmuesi i Manchester City shtoi: “Mendoj se gjëja e rëndësishme nuk është të flasësh aq shumë me gojë, por me këmbët e tua. Unë e kam bërë këtë tashmë. Të gjithë të tjerët mund të flasin me gojën e tyre, unë me këmbët e mia”.
