Gjilani dhe Dukagjini synojnë kualifikimin në Ligën e Konferencës

Dy skuadrat kosovare Gjilani dhe Dukagjini do ta synojnë sonte kualifikimin për në raundin e dytë kualifikues të Ligës së Konferencës.

Pasi bën paraqitje solide në ndeshjet e tyre të para, të dy skuadrat kosovare do të luajnë për vetëm një qëllim, pra avancimin për në raundin e dytë kualifikues.

Skuadra e Gjilanit zhvilloi paraqitje fantastike në Luksemburg duke barazuar me rezultat 2:2 ndaj Niedercornit.

Kësisoj, djelmoshat e Klodian Duros tani kanë nevojë për një fitore në “Fadil Vokrri” që ta sigurojnë “biletën” për në rrethin tjetër.

Ndeshja Gjilani-Niedercornit do të nis më fillim nga ora 20:00.

Në anën tjetër, Dukagjini e mposhti skuadrën e Gjibraltarit, FC Europa me rezultat 2:1, në sfidën e parë të luajtur para një javë në “Fadil Vokrri”, në duelin e sotëm klinasit synojnë të marrin rezultatin që i dërgon në rundin tjetër të garave në Ligën e Konferencës.

Përballja FC Europa-Dukagjini fillon në orën 17:00.