Romelu Lukaku është një nga “telenovelat” më tërheqëse të tregut të transferimeve, që sigurisht do të jemi të detyruar ta ndjekim gjatë gjithë verës. Sulmuesi, sipas asaj që raporton “The Athletic”, ka hyrë edhe në radarët e Juventusit.
Klubi bardhezi dëshiront t’i bëjë një sfidë të tillë në merkato rivalit të madh, Interit. Siç dihet, belgu u rikthye te Chelsea, duke pasur parasysh përfundimin e huazimit, që e bëri të qëndrojë me zikaltrit sezonin e kaluar.
Ai nuk është pjesë e projektit të Pochettino-s, por blutë e Londrës nuk janë të gatshëm ta lënë të shkojë sërish në huazim. Chelsea do ta shesë “BigRom”. Kështu “Zonja e Vjetër” ndjeu mundësinë, me Romelu që mund të mbërrijë në Torino për rreth 45 milionë euro, ndërsa zikaltrit po reflektojnë.
Kujtojmë se vetë sulmuesi ka shprehur qëndrimet e tij për një transferim të mundshëm te Juventusi apo Milani muaj më parë: “Nuk do të shkoja kurrë atje, për mua është vetëm Interi në Itali”. Po çfarë e pengon Lukakun për të qëndruar tek Interi?
- Advertisement -
Zikaltrit nuk janë në gjendje të përballojnë një shpenzim kaq të rëndësishëm për sulmin, përveç një përpjekjeje të papritur ekonomike, ndaj po negociojnë rinovimin e huazimit edhe për një vit. Ne i dimë qëllimet e futbollistit, por kush e di.
Ndoshta për të mos u kthyer në Londër, ai do të pranojë të qëndrojë në Itali, duke marrë një tren që e çon direkt në Torino. Ose mund të anonte drejt ofertës së Arabisë Saudite, e cila deri më tani ishte refuzuar apriori prej tij. Së shpejti do ta dimë.
