Lionel Messi, Karim Benzema dhe Luka Modric, të Real Madrid. Lionel Messi është padyshim emri më i lakuar, pasi kontrata e tij me francezët skadon në fund të këtij viti.
Fituesi i 7 Topave të Artë Lionel Messi nuk ka vendosur ende për të ardhmen edhe pse të PSG duan t’i rinovojnë kontratën. Gjithsesi, mjaft zëra qarkullojnë, nga një rikthim te Barcelona deri në një transferim në Arabinë Saudite për t’iu bashkuar Cristiano Ronaldos.
Ndersa, një tjeter yll Karim Benzema ënde nuk ka vendosur për të ardhmen e tij. Pasi fitoi “Topin e Artë” ai mund të rinovojë edhe me një vit me Real Madrid, që është gati t’ia plotësojë kërkesat. Gjithsesi, oferta në adresë të sulmuesit francez nuk mungojnë dhe për sa kohë të mungojë firma në kontratë gjithçka mund të ndodhë.
Luka Modric është një tjetër lojtar i Real Madrid që mund të lërë “merengues” në fund të sezonit. Trajneri Carlo Ancelotti ka bërë me dije se ka ende nevojë për kroatin, që dëshiron ta mbyllë karrierën në Madrid. Gjithsesi, ofertat nga Arabia apo ndonjë kampionat tjetër mund të ndryshojnë situatën.
