Bologna ka vazhduar paraqitjet e saj të shkëlqyera në Kupën e Italisë, duke mposhtur Empolin edhe në ndeshjen e kthimit të gjysmëfinales dhe siguruar biletën për në finale. Pas fitores bindëse 3:0 në takimin e parë, skuadra e drejtuar nga Thiago Motta ka vulosur kualifikimin e saj edhe të enjten mbrëma, duke fituar 2:1 në “Stadio Renato Dall’Ara” për një rezultat të përgjithshëm 5:1 në dy ndeshje.
Ndeshja ka nisur me ritëm të shpejtë, me vendasit që kaluan në epërsi që në minutën e shtatë me golin e Giovanni Fabbian. Empoli reagoi dhe barazoi përkohësisht në minutën e 33-të me golin e Viktor Kovalenko. Megjithatë, Bologna e siguroi fitoren në minutën e 86-të, kur Thijs Dallinga shënoi golin e dytë, duke përmbyllur një paraqitje të shkëlqyer.
Tani, Bologna do të përballet me Milanin në finalen e madhe të Kupës së Italisë, që do të luhet më 14 maj.
