Ish-futbollisti i Kombëtares Shqiptare, Migjen Basha është emëruar si vëzhgues i talenteve në skuadrën zvicerane të FC Laussane.
Basha zhvilloi kursin UEFA për trajner dhe vëzhgues, duke marrë menjëherë një post. I njohur për inteligjencën në fushë dhe veprimet me topin para mbrojtjes, Basha do duhet të tregojë se është po aq i aftë edhe në zbulimin e talenteve të reja.
Një lajm i mirë ky edhe për Shqipërinë, me shumë futbollistë kuqezinj që luajnë dhe zhvillohen në Zvicër. Në karrierën e tij, Basha luajti 33 ndeshje dhe shënoi tre gola me Shqipërinë.
