Pas përcaktimit të finalistëve në Champions League, vëmendja sonte zhvendoset në Europa League, ku mund të kemi një tjetër përballje britanike në finalen e madhe të 21 majit në Bilbao.
Manchester United dhe Tottenham Hotspur janë një hap larg finales, pas fitoreve bindëse në ndeshjet e para gjysmëfinale. “Djajtë e kuq” dominuan përballë Athletic Bilbaos me rezultat 3:0 në “Old Trafford”, ndërsa Tottenham mposhti Bodo Glimt me shifrat 3:1 në udhëtim.
Të dy ndeshjet e kthimit luhen sonte nga ora 21:00 dhe pritet të sjellin emocione të forta. Përballjet do të transmetohen drejtpërdrejt në kanalet sportive të platformës televizive Artmotion, që vazhdon të jetë zgjedhja kryesore për sportin në trojet shqiptare.
Mbështetur në rezultatin e parë, finalja e Europa League këtë vit ka gjasa të jetë një duel anglez – me Manchester United dhe Tottenham që kërkojnë ta mbyllin sezonin me një trofe europian.
