Përtej 50 golave të sezonit të kaluar dhe tanimë edhe dopjetës së realizuar në javën e parë të Premier Ligë, edhe Erling Haaland nuk është perfekt.
Sulmuesi i Manchester Cityt, në fakt, nëse është duke thyer çdo tip rekordi, bën edhe hap pas edhe me një të dhënë negative. E në këtë rast është për “Gines”. Cila? Haland është “alergjik” me finalet.
Është pikërisht kështu, pasi qendërsulmuesi norvegjez ka luajtur plot pesë finale me fanellën e Manchester Cityt dhe në të gjitha këto pesë ndeshje, parë edhe në tabelë, është në kuotën zero. Kjo edhe për sa i përket golave të shënuar, ashtu dhe për sa i përket asisteve për pjesën tjetër të skuadrës.
Formacioni i Cityt ka zhvilluar të mërkurën e kaluar Superkupën e Europës, ajo që në fakt ka qenë finalja e pestë e Haland me skuadrën angleze. Në secilën prej këtyre, “bomberi” ka mbetur i thatë në gola dhe në ndihmën për shokët.
- Advertisement -
Asnjë gol i shënuar apo pasim fitues në finalen e Superkupës së Anglisë ndaj Liverpool sezonin e kaluar, Champions League ndaj Interit, FA Cup, Superkupën e Anglisë ndaj Arsenalit këtë sezon dhe Superkupën e Europës ndaj Sevijas. Por edhe Erling është qenie njerëzore…
