Dështimi për të ngjitur ekipin në Seria B, i ka kushtuar shtrenjtë kapitenit të ekipit të Foxhias në Itali.
Pulianët humbën me rezultatin 3-1 ndaj Leço, në finalen e kthimit të play-off-it të Serisë C.
Nokauti i djemve të Delio Rossit shkatërroi ëndrrën për të fituar promovimin dhe rikthimin në Serinë B pas një mungese 4-vjeçare.
Kjo ka bërë që në drejtim të makinës së kapitenit të Foxhias, Davide Di Pasquale të qëllohet disa herë me armë në natën mes të dielës dhe të hënës.
- Advertisement -
“Jeep Renegade” i mbrojtësit ishte parkuar në stadiumin “Zaccheria” dhe disa nga të shtënat u drejtuan në xhamin e shoferit.
Incidenti po trajtohet si një tentativë kanosjeje dhe agjentët kanë nisur hetimet duke ngritur dyshime se pikërisht dështimi i ekipit pulian ka qenë motiv për sulmin.
